Politika e Privatësisë dhe Kushtet e Përdorimit të Faqes së Internetit të MPAY

HYRJE

I nderuar vizitor,

Ju falenderojmë që po vizitoni faqen tonë të internetit. Privatësia juaj është shumë e rëndësishme për ne. Ky dokument përbën politikën e privatësisë dhe kushtet e përdorimit (“Politika”) të faqes së internetit të MPAY (“Faqja”). Duke përdorur këtë faqe interneti, ju konfirmoni se keni lexuar, bini dakord me dhe pranoni parashikimet e kësaj Politike. Qëllimi i kësaj Politike është njohja nga ana e vizitorëve të Faqes të kushteve të përdorimit dhe politikës së privatësisë të kësaj Faqeje, dhe e masave të marra nga MPAY për të dhënat personale. Për hir të qartësisë, MPAY nuk mbledh apo kërkon të dhëna personale përmes Faqes së saj. Përpunimi i të dhënave personale përmes Faqes ndodh vetëm kur vizitorët dërgojnë të dhëna të tilla me vullnetin e tyre të lirë te MPAY (p.sh. një aplikim për punësim apo një kërkesë/ankesë). Kjo Faqe rregullohet nga ligji shqiptar. Kjo Politikë mund të ndryshojë dhe përditësohet në të ardhmen, megjithatë në asnjë rast nuk do të kufizohen të drejtat e garantuara nga ligji nr. 124/2024 “Për mbrojtjen e të dhënave personale”. Është përgjegjësia juaj të lexoni dhe të jeni në dijeni të versionit në fuqi të Politikës.

Kjo Faqe është faqja zyrtare e shoqërisë MPAY sh.p.k. (“MPAY”/“Shoqëria”). Kjo Faqe ofron informacion mbi produktet dhe shërbimet e ofruara nga MPAY, që ofrohen sipas kushteve përkatëse të përdorimit.

MPAY është një shoqëri me përgjegjësi të kufizuar, regjistruar pranë Qendrës Kombëtare të Biznesit më 11.05.2010, me NUIS L01711027V, dhe që ushtron aktivitet në fushën e shërbimeve të pagesave dhe transferimit të parave sipas licensës përkatëse nga Banka e Shqipërisë.

INFORMACION I PËRGJITHSHËM

1.1 Qëllimi i kësaj Politike është përcaktimi dhe sqarimi i politikës së privatësisë dhe kushteve të përdorimit të zbatuara nga MPAY lidhur me përdorimin e Faqes së saj dhe të dhënat personale.

1.2 Përmbajtja e kësaj Faqeje është destinuar vetëm për informacion. Hyrja në këtë Faqe është pa pagesë. Një lidhje me një faqe tjetër nuk tregon miratim të asaj faqeje apo të përmbajtjes së saj. Ju jeni përgjegjës për informacionet, opinionet dhe/ose rekomandimet e ofruara nga këto faqe të palëve të treta, si dhe për informimin mbi kushtet e privatësisë së këtyre faqeve.

1.3 Vizitorët e kësaj Faqeje mbeten anonimë. MPAY nuk mbledh të dhëna personale përmes Faqes së saj, pra ne nuk mbledhim informacion për identifikimin personal të individit tuaj, përveç se në rastin kur ju e dërgoni atë me vullnetin tuaj. Ne mbledhim vetëm informacion të përgjithshëm për vizitorët, si për shembull: sa vizitorë kanë vizituar Faqen tonë apo cilat rubrika të saj janë klikuar më tepër. Ju mund të dërgoni të dhënat tuaja specifike nëse dërgoni email në adresën e postës elektronike të vënë në dispozicion nga MPAY. Ky informacion do të përdoret vetëm në përputhje me qëllimin për të cilin ai është dërguar (ankesë apo kërkesë për informacion, aplikim pune, etj.). Duke kontaktuar MPAY, vizitorët do të konsiderohen që kanë dhënë pëlqimin e tyre të shprehur dhe të qartë për përpunimin e të dhënave të tyre personale të dërguara prej tyre. Ky pëlqim mund të revokohet në çdo kohë.

1.4 Për qëllime të ofrimit të shërbimeve të saj, MPAY mund të përpunojë të dhëna personale. Përpunimi i tyre bëhet me pëlqimin e subjektit të të dhënave. Të dhënat personale përpunohen në përputhje të plotë me parashikimet e Ligjit dhe me legjislacionin përkatës në fushën e të dhënave personale. Këta veprime kryhen sipas parimit të respektimit dhe të garantimit të të drejtave dhe lirive themelore të njeriut dhe në veçanti të së drejtës së ruajtjes së jetës private.

1.5 Të dhënat personale janë një çështje e një rëndësie të lartë për MPAY dhe MPAY ka marrë të gjitha masat teknike dhe organizative për mbrojtjen e tyre dhe për zbatimin e të gjitha detyrimeve që burojnë nga kuadri ligjor në fuqi për të dhënat personale. Përpunimi i të dhënave bëhet në përputhje me Kushtetutën, Ligjin, legjislacionin e zbatueshëm si dhe me një nga vlerat e MPAY që është garantimi i mbrojtjes së të dhënave personale, duke respektuar të drejtat dhe liritë e njeriut.

1.6 Baza ligjore e kësaj Politike është legjislacioni i zbatueshëm në fushën e mbrojtjes së të dhënave personale, duke përfshirë pa kufizim, ligjin nr. 124/2024 “Për mbrojtjen e të dhënave personale”, udhëzimet dhe vendimet e Komisionerit, etj.

PËRKUFIZIME

2.1 “Komisionieri” – Komisioneri për të Drejtën e Informimit dhe Mbrojtjen e të Dhënave Personale.

2.2 “Kontrollues” – personi fizik ose juridik dhe çdo autoritet publik, i cili, vetëm ose së bashku me të tjerët, përcakton qëllimet e mjetet e përpunimit të të dhënave personale.

2.3 “Ligji” – ligji nr. 124/2024 “Për mbrojtjen e të dhënave personale”.

2.4 “Pëlqim i subjekteve të të dhënave” – çdo element tregues i vullnetit të subjektit të të dhënave, i dhënë lirisht, i informuar dhe i qartë, nëpërmjet të cilit ai, me anë të një deklarate ose me çdo lloj shfaqjeje tjetër të padyshimtë pohuese të vullnetit, shpreh dakordësinë për përpunimin e të dhënave personale, që lidhen me të për një ose më shumë qëllime specifike.

2.5 “Përpunim i të dhënave personale” – çdo veprim ose një grup veprimesh, që kryhet mbi të dhënat personale ose grupe të dhënash personale, pavarësisht nëse kryhen me mjete të automatizuara ose jo, të tilla, si: mbledhja, regjistrimi, organizimi, strukturimi, ruajtja, përshtatja ose ndryshimi, rikthimi, konsultimi, përdorimi, përhapja me anë të transmetimit, shpërndarjes ose vënies në dispozicion në ndonjë mënyrë tjetër, lidhja ose kombinimi, kufizimi, fshirja ose shkatërrimi.

2.6 “Subjekt i të dhënave personale” – çdo person fizik i identifikuar ose i identifikueshëm. Një person është i identifikueshëm nëse mund të arrihet në identifikimin e tij, duke iu referuar drejtpërdrejt ose tërthorazi një apo disa faktorëve identifikues të veçantë, si: emri, numri i identifikimit, të dhënat për vendndodhjen, një identifikues në internet, ose një apo më shumë faktorëve specifikë, lidhur me identitetin e tij fizik, fiziologjik, identitetin gjenetik, mendor, ekonomik, kulturor ose shoqëror.

2.7 “E dhënë personale” – çdo informacion në lidhje me një subjekt të dhënash.

2.8 “Të dhëna sensitive” – kategori të veçanta të të dhënave personale, që zbulojnë origjinën racore ose etnike, mendimet politike, besimin fetar ose pikëpamjet filozofike, anëtarësimin në sindikata, të dhënat gjenetike, të dhënat biometrike, të dhënat për shëndetin, jetën ose orientimin seksual të një personi.

Përsa i përket termave të përdorur në këtë Politikë që nuk janë përfshirë më sipër, do të zbatohen përkufizimet dhe parashikimet e Ligjit.

WEBSITE I MPAY

3.1 Përsa i përket Faqes, të vetmet të dhëna që shkëmbehen përmes website të MPAY janë email/et dhe/ose emrat e subjekteve që zgjedhin të kontaktojnë MPAY me dëshirë, pra vullnetarisht. Të gjitha emailet fakultative dhe të dërguara në adresën/at e specifikuara në website-n e MPAY nënkuptojnë marrjen e adresës/emailit të dërguesit që nevojitet për të kthyer përgjigje si dhe marrjen e çdo të dhëne tjetër personale që përmban emaili, të dhënë vullnetarisht nga subjekti, nëse përmban të tilla. Lidhur me vizitorët e Faqes, MPAY mbledh vetëm informacione standarde që kanë të bëjnë me klikimin e rubrikave në këtë Faqe. Ky Informacion mblidhet për qëllime statistikore dhe studimi (për të treguar qasjen e vizitorëve, për të parë se cilat rubrika janë më interesante për vizitorët). MPAY nuk bën asnjë përpjekje për dhe nuk mbledh asnjë informacion për identifikimin e vizitorëve. MPAY nuk përdor (dhe nuk lejon ndonjë palë të tretë) mjete statistikore analitike për të gjurmuar ose për të mbledhur informacione personale që i bëjnë të identifikueshëm vizitorët e Faqes tonë. Ne nuk lidhim asnjë të dhënë të grumbulluar nga Faqja me ndonjë të dhënë personale që e bën vizitorin të identifikueshëm nga cilido burim që të vijë, si pjesë e përdorimit.

3.2 Përmes Faqes së saj, MPAY nuk mbledh apo ruan cookies. Pra, cookies nuk përdoren për marrjen e të dhënave personale, dhe asnjë cookie e çfarëdo lloji nuk përdoret për të ndjekur vizitorët e Faqes.

3.3 Duke kontaktuar MPAY, vizitorët dhe/ose kandidatët për punësim do të konsiderohet se kanë dhënë pëlqimin e tyre të qartë dhe të shprehur për përpunimin e të dhënave personale që ata zgjedhin t’i dërgojnë MPAY. Vërtetësia dhe saktësia e këtyre të dhënave është përgjegjësi e Vizitorit dhe/ose kandidatit për punësim.

PARIMET E PËRGJITHSHME TË PËRPUNIMIT TË TË DHËNAVE PERSONALE

4.1 Përpunimi i të dhënave personale bëhet duke respektuar parimet si më poshtë:

Parimi i ligjshmërisë, i drejtësisë dhe i transparencës: përpunimi kryhet në mënyrë të ligjshme, të drejtë e transparente kundrejt subjektit të të dhënave.
Parimi i përpunimit në përputhje me qëllimin: të dhënat personale mblidhen për një qëllim specifik e të ligjshëm, të përcaktuar qartë në momentin e mbledhjes, dhe nuk përpunohen më tej për një qëllim tjetër, që nuk është në përputhje me qëllimin fillestar.
Parimi i minimizimit të të dhënave: të dhënat personale janë të përshtatshme e të nevojshme për qëllimin e përpunimit dhe të kufizuara në masën që është e nevojshme për realizimin e qëllimit.
Parimi i saktësisë së të dhënave: të dhënat personale janë të sakta e të përditësuara kur kjo është e nevojshme, si dhe, në përputhje me qëllimin e përpunimit, ndërmerren të gjithë hapat e nevojshëm për fshirjen e korrigjimin e menjëhershëm të të dhënave të pasakta ose të paplota.
Parimi i kufizimit të ruajtjes në kohë: të dhënat personale mbahen në një formë që lejon identifikimin e subjekteve të të dhënave për një periudhë jo më të gjatë se sa është e nevojshme për qëllimin për të cilin ato përpunohen. Të dhënat personale mund të ruhen për periudha më të gjata, me kusht që ato të përpunohen vetëm për qëllime arkivimi në interesin publik, qëllime kërkimore, shkencore apo historike ose qëllime statistikore, duke zbatuar masat e duhura teknike dhe organizative për të mbrojtur të drejtat e liritë e subjektit të të dhënave.
Parimi i integritetit dhe i konfidencialitetit: të dhënat personale përpunohen në mënyrë të tillë që të garantohet siguria e nevojshme e të dhënave personale, duke përfshirë mbrojtjen nga përpunimi i paautorizuar ose i paligjshëm dhe humbja, shkatërrimi ose dëmtimi aksidental, nëpërmjet përdorimit të masave të duhura teknike dhe organizative.
Parimi i përgjegjshmërisë: kontrolluesi është përgjegjës dhe duhet të jetë në gjendje të provojë përputhshmërinë me parimet e parashikuara këtu.

4.2 Gjatë përdorimit/vizitës së kësaj Faqeje nga kushdo vizitor, nuk merren të dhëna personale të tyre, përveç rastit nëse vizitori zgjedh të kontaktojë MPAY përmes postës elektronike duke ofruar vullnetarisht të dhëna personale (p.sh. email, emër). Të dhënat personale (nëse ka të tilla) të vizitorëve të Faqes përdoren vetëm për kthimin e përgjigjes ndaj kërkesës së tyre.

4.3 Mbrojtja e të dhënave personale garantohet me përpunimin e tyre në mënyrë të ndershme, të drejtë dhe të ligjshme nga MPAY për përmbushjen e detyrimeve kontraktuale apo ligjore në fuqi, si dhe për rritjen e cilësisë së shërbimeve.

TË DREJTAT E SUBJEKTIT TË TË DHËNAVE PERSONALE

5.1 Subjektet e të dhënave personale kanë të gjitha të drejtat e njohura nga Ligji. Këto të drejta ushtrohen në formën dhe afatet e parashikuar nga Ligji.

5.2 E drejta për informim

Kur të dhënat personale mblidhen me bashkëpunimin e subjektit të të dhënave dhe subjekti i të dhënave nuk e ka informacionin e përmendur më poshtë, kontrolluesi i jep atij informacionin e mëposhtëm lidhur me:

identitetin dhe të dhënat e kontaktit të kontrolluesit dhe, sipas rastit, të dhënat e kontaktit të përfaqësuesit, si dhe të nëpunësit të mbrojtjes së të dhënave të kontrolluesit;
qëllimet e përpunimit për të cilat janë të destinuara të dhënat personale, si dhe bazën ligjore për përpunimin;
ekzistencën dhe logjikën e vendimmarrjes automatike dhe profilizimit, sipas parashikimeve të ligjit, dhe, të paktën, në ato raste, informacionin e duhur lidhur me logjikën përkatëse, si dhe rëndësinë e pasojat e parashikuara të këtij përpunimi për subjektin e të dhënave;
periudhën e parashikuar të mbajtjes së të dhënave personale ose, nëse kjo nuk është e mundur, kriteret e përdorura për të përcaktuar këtë periudhë;
ekzistencën e së drejtës për të tërhequr pëlqimin në çdo kohë, pa ndikuar në ligjshmërinë e përpunimit, bazuar në pëlqimin para tërheqjes së tij, kur përpunimi kryhet mbi bazën e pëlqimit dhe të interesit të ligjshëm të kontrolluesit ose të palës së tretë, kur përpunimi kryhet mbi bazën e një interesi të ligjshëm;
informacion, nëse subjekti i të dhënave është i detyruar ose jo të japë të dhënat dhe nëse dhënia e të dhënave personale është detyrim që buron nga legjislacioni në fuqi, kushtet e kontratës apo kushtet për të hyrë në një marrëdhënie kontraktore, si dhe pasojat e mundshme nga mosdhënia e këtyre të dhënave;
marrësit ose kategoritë e marrësve, nëse ka;
nëse të dhënat do të transferohen në vende të huaja dhe, nëse po, si garantohet mbrojtja e duhur, përfshirë informacionin për masat e përshtatshme të mbrojtjes dhe mënyrën me të cilat mund të merret një kopje e tyre ose vendin ku ofrohen ato;
ushtrimin e të drejtave sipas Ligjit, si dhe për të drejtën për të paraqitur ankesë te Komisioneri.

Informacioni i mësipërm jepet:

kur të dhënat personale mblidhen me bashkëpunimin e subjektit të të dhënave, përpara se subjekti i të dhënave të ofrojë të dhënat;
kur të dhënat personale nuk mblidhen me bashkëpunimin e subjektit të të dhënave:
brenda një afati të arsyeshëm, por jo më vonë se 30 ditë pasi të jenë marrë të dhënat; ose
nëse të dhënat personale do të përdoren për komunikim me subjektin e të dhënave, jo më vonë se momenti i komunikimit të parë me subjektin e të dhënave; ose

kur parashikohet përhapja tek një marrës tjetër, jo më vonë se momenti kur të dhënat personale janë përhapur për herë të parë.

5.3 E drejta për akses

Subjekti i të dhënave ka të drejtë të marrë nga kontrolluesi, jo më vonë se 30 ditë nga data e paraqitjes së kërkesës, një konfirmim nëse të dhënat personale në lidhje me të janë duke u përpunuar apo jo, si dhe, kur është rasti, të ketë akses në të dhënat personale dhe informacionin e mëposhtëm:

qëllimin e përpunimit;
ekzistencën dhe logjikën e vendimmarrjes automatike dhe të profilizimit dhe informacionin e duhur lidhur me logjikën përkatëse, si dhe rëndësinë e pasojat e parashikuara të këtij përpunimi për subjektin e të dhënave;
afatin e parashikuar të ruajtjes së të dhënave personale ose, nëse kjo nuk është e mundur, kriteret që përdoren për të përcaktuar këtë afat;
bazën ligjore të përpunimit;
kategoritë e të dhënave personale në fjalë, duke përfshirë, në rastet kur të dhënat personale nuk janë mbledhur nga subjekti i të dhënave, çdo informacion të disponueshëm për burimin e këtyre të dhënave;
marrësit ose kategoritë e marrësve, të cilëve u janë përhapur ose do t’u përhapen të dhënat personale, në veçanti, marrësit në vendet e huaja ose organizatat ndërkombëtare, përfshirë rastin kur të dhënat transferohen në vende të huaja dhe, nëse po, si sigurohet mbrojtja e duhur;
ekzistencën e të drejtave sipas Ligjit dhe të drejtën për të paraqitur ankesë te Komisioneri.

5.4 E drejta për korrigjim dhe fshirje

Subjekti i të dhënave ka të drejtën e korrigjimit nga kontrolluesi i të dhënave personale të pasakta, që lidhen me të sa më shpejt të jetë e mundur, por jo më vonë se 30 ditë nga data e marrjes së kërkesës. Në përputhje me qëllimet e përpunimit, subjekti i të dhënave ka të drejtën e plotësimit të të dhënave personale jo të plota edhe me anë të një deklarate plotësuese.

Subjekti i të dhënave ka të drejtën e fshirjes nga kontrolluesi i të dhënave personale që lidhen me të dhe kontrolluesi ka detyrimin të fshijë të dhënat personale sa më shpejt të jetë e mundur, jo më vonë se 30 ditë nga data e marrjes së kërkesës, në rastet kur:

të dhënat personale nuk janë më të nevojshme për qëllimet për të cilat ato janë mbledhur ose përpunuar;
subjekti i të dhënave e tërheq pëlqimin mbi të cilin bazohet përpunimi dhe nuk ka shkak tjetër ligjor për përpunimin;
subjekti i të dhënave e kundërshton përpunimin, në pajtim ligjin;
të dhënat personale janë përpunuar në mënyrë të paligjshme;
të dhënat personale duhet të fshihen për të përmbushur një detyrim ligjor të kontrolluesit;
të dhënat personale janë mbledhur në kuadër të ofrimit në internet të mallrave ose të shërbimeve siç parashikohet në ligj.

Lidhur me këtë të drejtë, Ligji parashikon disa përjashtime në rastet e përpunimit të përmendura në të.

5.5 E drejta për t’u harruar

Kur kontrolluesi ka publikuar të dhëna personale dhe sipas Ligjit detyrohet t’i fshijë ato, bazuar në teknologjinë e zbatueshme dhe në koston e zbatimit, ndërmerr hapa të arsyeshëm, përfshirë masat teknike, për të informuar kontrolluesit që janë duke përpunuar këto të dhëna personale, që subjekti i të dhënave ka kërkuar fshirjen e çdo lidhjeje, kopjeje ose riprodhimi të këtyre të dhënave personale.

Me kërkesën e subjektit të të dhënave, operatorët e motorëve të kërkimit në internet janë të detyruar të fshijnë nga rezultatet që shfaqen pas një kërkimi të kryer në bazë të emrit të subjektit të të dhënave informacionin, i cili nuk është më aktual me kalimin e kohës, por që, kur gjendet, ka një ndikim negativ të konsiderueshëm në reputacionin e subjektit të të dhënave.

5.6 E drejta për kufizimin e përpunimit

Subjekti i të dhënave ka të drejtë për kufizimin e përpunimit të të dhënave nga kontrolluesi kur ekziston një nga rastet e mëposhtme:

subjekti i të dhënave kundërshton saktësinë e të dhënave të tij për një afat që i mundëson kontrolluesit të verifikojë saktësinë e të dhënave personale;
përpunimi është i paligjshëm dhe subjekti i të dhënave e kundërshton fshirjen e të dhënave personale dhe, në vend të saj, kërkon kufizimin e përdorimit të tyre;
kontrolluesit nuk i nevojiten më të dhënat personale për qëllimin e përpunimit, por kërkohen nga subjekti i të dhënave për paraqitjen e një kërkese apo ushtrimin ose mbrojtjen e një të drejte, detyrimi apo interesi të ligjshëm përpara gjykatës ose autoriteteve publike; ose
subjekti i të dhënave ka kundërshtuar përpunimin sipas Ligjit. Kufizimi zgjat përgjatë periudhës së nevojshme për verifikimin nëse arsyet e ligjshme të kontrolluesit kanë përparësi mbi ato të subjektit të të dhënave.

Kur përpunimi është kufizuar sipas paragrafit të mësipërm, me përjashtim të ruajtjes, të dhënat do të përpunohen vetëm:

pas marrjes së pëlqimit të subjektit të të dhënave;
për paraqitjen e një kërkese apo ushtrimin ose mbrojtjen e një të drejte, detyrimi apo interesi të ligjshëm përpara gjykatës ose autoriteteve publike;
për mbrojtjen e të drejtave të një personi tjetër fizik ose juridik, të cilat kanë përparësi mbi të drejtat e subjektit të të dhënave; ose
për një interes të rëndësishëm publik.

Kontrolluesi njofton paraprakisht subjektin e të dhënave për heqjen e kufizimit të përpunimit të tyre. Nëse kontrolluesi refuzon kërkesën, subjekti i të dhënave mund të paraqesë ankesë te Komisioneri dhe të kërkojë marrjen e një vendimi paraprak për kufizimin e përpunimit.

5.7 E drejta për transferueshmërinë e të dhënave

Kur të dhënat personale i jepen një kontrolluesi nga subjekti i të dhënave, me pëlqimin e tij ose për përmbushjen e një kontrate, dhe përpunimi kryhet me mjete automatike, subjekti i të dhënave ka të drejtën t’i marrë ato nga kontrolluesi në një format të strukturuar, të përdorur gjerësisht dhe të lexueshëm nga pajisjet dhe t’i transferojë pa pengesa tek një kontrollues tjetër.

Gjatë ushtrimit të së drejtës si më sipër, dhe kur është teknikisht e mundur, subjekti i të dhënave ka të drejtë që të dhënat e tij personale të transferohen drejtpërdrejt nga një kontrollues tek një kontrollues tjetër.

Ushtrimi i së drejtës për transferueshmërinë e të dhënave nuk cenon të drejtën për fshirjen e tyre sipas ligjit. E drejta për transferueshmërinë e të dhënave nuk mund të ushtrohet kur përpunimi i të dhënave është i nevojshëm për kryerjen e një detyre me interes publik ose kur kontrolluesit i është dhënë e drejta për të ushtruar funksione, detyra ose kompetenca publike në bazë të legjislacionit në fuqi. Ushtrimi i së drejtës për transferueshmërinë e të dhënave nuk duhet të cenojë të drejtat dhe liritë themelore të personave të tjerë.

5.8 E drejta për të kundërshtuar

Subjekti i të dhënave ka të drejtën të kundërshtojë në çdo kohë, për arsye që lidhen me situatën e tij të veçantë, përpunimin e të dhënave personale në lidhje me të, përfshirë profilizimin sipas parashikimeve ligjore. Kontrolluesi nuk do t’i përpunojë më të dhënat personale, me përjashtim të rastit kur provon se ka arsye të forta legjitime për përpunimin, të cilat mbizotërojnë mbi interesat, të drejtat dhe liritë e subjektit të të dhënave, veçanërisht kur kanë të bëjnë me paraqitjen e një kërkese apo ushtrimin ose mbrojtjen e një të drejte, detyrimi, apo interesi të ligjshëm përpara gjykatës, ose autoriteteve publike.

Kur të dhënat personale përpunohen për qëllime të marketingut të drejtpërdrejtë, subjekti i të dhënave ka të drejtë të kundërshtojë, në çdo kohë dhe pa u detyruar të shpjegojë arsyet, përpunimin e të dhënave të tij personale për këtë qëllim, që përfshin profilizimin për aq sa është i lidhur me të. Pas ushtrimit të kësaj të drejte, kontrolluesi është i detyruar të ndërpresë përpunimin e të dhënave personale për këtë qëllim.

Jo më vonë se gjatë komunikimit të parë me subjektin e të dhënave, kontrolluesi informon subjektin e të dhënave mbi të drejtën për të kundërshtuar në mënyrë të shprehur, të qartë dhe të veçuar nga informacionet e tjera.

Nëse të dhënat personale përpunohen për qëllime të kërkimeve shkencore ose historike, ose për qëllime statistikore, subjekti i të dhënave, për shkaqe që lidhen me gjendjen e tij të veçantë, ka të drejtë të kundërshtojë përpunimin e të dhënave personale të tij, me përjashtim të rastit kur përpunimi është i nevojshëm për kryerjen e një detyre me interes publik.

5.9 E drejta për të mos iu nënshtruar vendimeve automatike

Subjekti i të dhënave ka të drejtë të mos jetë subjekt i një vendimi që bazohet vetëm në përpunimin automatik të të dhënave, përfshirë profilizimin, i cili shkakton pasoja ligjore ose pasoja të ngjashme të rënda mbi të.

Kjo nuk zbatohet nëse vendimi:

është i nevojshëm për lidhjen ose zbatimin e një kontrate ndërmjet subjektit të të dhënave dhe kontrolluesit; ose
autorizohet nga një ligj, të cilit i nënshtrohet kontrolluesi dhe që përcakton edhe masat e përshtatshme për të mbrojtur të drejtat e liritë dhe interesat legjitimë të subjektit të të dhënave; ose
bazohet në pëlqimin e dhënë nga subjekti, të cilit i përkasin të dhënat.

Në këto raste, kontrolluesi zbaton masa të përshtatshme për të mbrojtur të drejtat, liritë themelore dhe interesat e ligjshëm të subjektit të të dhënave, si dhe të drejtën e subjektit të të dhënave për ndërhyrje manuale nga ana e kontrolluesit për të shprehur këndvështrimin e tij dhe për të kundërshtuar vendimin.

5.10 E drejta për t’u ankuar

Çdo person që pretendon se i janë shkelur të drejtat, liritë dhe interesat e ligjshëm për të dhënat personale, ka të drejtë të ankohet ose të njoftojë Komisionerin dhe të kërkojë ndërhyrjen e tij për vënien në vend të së drejtës së shkelur. Nëse subjekti i të dhënave ka bërë ankim, kontrolluesi nuk ka të drejtë të ndryshojë të dhënat personale deri në dhënien e vendimit përfundimtar.

5.11 E drejta për kompensimin e dëmit

Çdo person, të cilit i është shkaktuar një dëm si rezultat i përpunimit të paligjshëm të të dhënave personale, ka të drejtë t’i kërkojë kontrolluesit kompensim, sipas rregullave të përcaktuara në Kodin Civil.

5.12 Çfarëdo lloj kërkese apo nëse mendoni se privatësia juaj është shkelur duhet të adresohet në [email protected] ose të dërgohet pranë MPAY: Njësia Administrative nr.5, Bulevardi “Dëshmorët e Kombit”, Kullat Binjake, Kulla 1, Tiranë, Shqipëri.

KËRKESAT PËR INFORMACION DHE ANKESAT

6.1 Kërkesa për informacion mbi produktet dhe shërbimet e Shoqërisë përpunohet nga Departamenti i Produkteve dhe Shërbimeve. Nëse dikush dërgon ankesa te emaili i MPAY, me zgjidhjen e tyre do të merret Departamenti i Produkteve dhe Shërbimeve. Dërgimi i CV-ve për aplikim për punësim nga MPAY përpunohet nga Sektori i Burimeve Njerëzore. Kur persona aplikojnë për t’u punësuar pranë MPAY, ne përdorim informacionin për proçesin e aplikimit të tyre.

Të dhënat personale në lidhje me aplikantët e pasuksesshëm mbahen për 6 muaj pasi konkursi i rekrutimit ka përfunduar, e më pas shkatërrohen ose fshihen. Për të dhënat personale të aplikantëve zbatohen të njëjtat masa mbrojtjeje të parashikuar nga kjo Politikë dhe procedurat e brendshme të MPAY.

6.2 Nëse ju mendoni se privatësia juaj është shkelur ju mund të na kontaktoni në çdo kohë. Stafi ynë do të jetë i gatshëm t’ju ofrojë ndihmën e kërkuar.

6.3 MPAY do t’i përgjigjet çdo kërkese apo ankese brenda 30 ditësh nga data e marrjes së saj apo sipas afateve të tjera të parashikuara nga legjislacioni i zbatueshëm. Përgjigjja do të jetë me shkrim në adresën prej së cilës ka ardhur kërkesa apo ankesa dhe/ose në formë elektronike kur kërkesa apo ankesa ka ardhur elektronikisht. MPAY do të mbajë dhe ruajë një dosje të ankesave, kërkesave apo sugjerimeve të marra, si dhe të përgjigjeve të dhëna.

PËRPUNIMI I TË DHËNAVE PERSONALE

7.1 Të gjitha të dhënat personale do të mbahen në mënyrën e duhur gjatë periudhës së tyre të përpunimit, duke zbatuar masa tekniko-organizative për mbrojtjen e tyre, dhe do të shkatërrohen sipas afateve ligjore. MPAY përdor masa të plota sigurie për të ruajtur të dhënat.

7.2 MPAY ka regjistruar emrin e domain-it të saj www.mpay.al në Autoritetin e Komunikimeve Elektronike dhe Postare (AKEP) në përputhje me kuadrin përkatës ligjor në fuqi.

7.3 Të dhënat personale përpunohen në përputhje të plotë me parashikimet e Ligjit dhe me legjislacionin përkatës. Këta veprime kryhen sipas parimit të respektimit dhe të garantimit të të drejtave dhe lirive themelore të njeriut dhe në veçanti të së drejtës së ruajtjes së jetës private.

PRONËSIA INTELEKTUALE

8.1 Kjo Faqe do të konsiderohet si një tërësi e pandashme. Informacioni që përmban ajo është rreptësisht për përdorim personal. Kopjimi apo transmetimi i tij nuk lejohet. Të gjitha të dhënat të përfshira në rubrikat e Faqes janë pronë e MPAY ose pronarëve përkatës. Kopjimi, shfaqja apo shpërndarja e të gjitha ose një pjesë të përmbajtjes së kësaj Faqeje, përveç për qëllime personale, është e ndaluar me çdo mënyrë. Çdo moszbatim i këtij rregulli, përbën shkelje dhe mund të sjellë dënime civile dhe/ose penale. Është rreptësisht e ndaluar të përdoret ose kopjohet emri “MPAY”, “KUIK” dhe/ose logo e tyre, individualisht ose së bashku, për çfarëdo qëllimi, dhe në veçanti për qëllime reklamimi, pa pëlqimin paraprak me shkrim të MPAY.

8.2 Shkarkimi apo kopjimi i informacioneve nga Faqja e MPAY nuk do të transferojë të drejtën e pronësisë për informacionin e sipërpërmendur. Ju nuk mund të kopjoni, qoftë tërësisht apo pjesërisht, të transmetoni, qoftë elektronikisht apo me mjete të tjera, modifikoni ose përdorni faqen e MPAY për qëllime publike ose tregtare, ose të krijoni lidhje me këtë Faqe, pa pëlqimin paraprak me shkrim të MPAY. Të dhënat dhe objektet e pronësisë intelektuale dhe industriale të përmbajtura në këtë Faqe janë pronë ekskluzive e pronarëve të tyre përkatës.

KUSHTET E PËRDORIMIT TË FAQES

9.1 Pranimi i Politikës. Nëse ju nuk bini dakord me këtë Politikë, ju lutemi, mos e përdorni këtë Faqe. Nëse e përdorni këtë Faqe, konsiderohet që ju keni rënë dakord me këtë Politikë. MPAY rezervon të drejtën që ta ndryshojë këtë Politikë pa njoftim paraprak përmes përditësimit të saj në Faqe. Ju duhet ta vizitoni këtë Faqe rregullisht për të rishikuar Politikën në fuqi.

Si të na kontaktoni. Kjo Faqe i përket dhe operohet nga MPAY me adresë në Njësia Administrative nr.5, Bulevardi “Dëshmorët e Kombit”, Kullat Binjake, Kulla 1, Tiranë, Shqipëri. Për çdo ankesë, pyetje apo korrespondencë të përgjithshme, ju lutemi, kontaktoni në [email protected].

Markat dhe e drejta e autorit. Kjo Faqe, përmbajtja dhe materialet në të mbrohen nga e drejta e autorit, e drejta mbi markat, sekretet tregtare apo të drejta të tjera të pronësisë industriale apo intelektuale.

Përdorimi nga ana juaj i materialeve të përmbajtura në këtë Faqe. Përdorimi nga ana juaj i kësaj Faqeje i nënshtrohet këtyre kushteve të përdorimit dhe kësaj politike privatësie. Modifikimi apo përdorimi i materialeve të kësaj Faqeje për qëllime që nuk lejohen nga kjo Politikë mund të jetë një shkelje e të drejtave të autorit dhe/ose të pronësisë industriale dhe është i ndaluar. Ju mund të aksesoni dhe shfaqni materiale të kësaj Faqeje vetëm për qëllime jotregtare apo personale. Materialet e kësaj Faqeje nuk mund të kopjohen, riprodhohen, ripublikohen, ngarkohen, postohen, transmetohen, shpërndahen apo të përdoren në çfarëdo mënyre tjetër përveç se nëse kjo autorizohet specifikisht prej nesh. Përdorimi i materialeve në website, aplikacione, shërbime apo media të tjera përveç Faqes është i ndaluar.

Ligji i zbatueshëm. Kjo Politikë do të qeveriset nga dhe do të interpretohet dhe zbatohet sipas ligjit shqiptar.

Tërësia e Politikës. Nëse ndonjë prej parashikimeve të këtushme do të rezultojë i pazbatueshëm, i pavlefshëm apo në kundërshtim me legjislacionin në fuqi, atëherë ai parashikim do të konsiderohet i ndarë nga këto kushte dhe nuk do të ndikojë në vlefshmërinë dhe zbatueshmërinë e parashikimeve të mbetura.

9.2 MPAY rezervon të drejtën e ushtrimit të të drejtave të pronësisë mbi informacionin dhe përmbajtjen e publikuar në Faqe. Këtu ofrohen informacione lidhur me shërbimet e ofruara nga MPAY. Për këtë arsye, MPAY autorizon vizitorët e Faqes të përdorin këtë informacion sipas nevojave të tyre, duke mbajtur parasysh dhe duke përmbushur kushtet e mëposhtme:

Informacioni dhe të dhënat e publikuara në Faqen e MPAY konsiderohen të sakta dhe të besueshme, por MPAY rezervon gjithmonë të drejtën t’i ndryshojë dhe përditësojë këto informacione dhe të dhëna. Në këto raste, vizitori duhet t’u referohet gjithmonë informacioneve dhe të dhënave më të fundit;
MPAY nuk përgjigjet dhe nuk është përgjegjës për asnjë dëm të kujtdo lloji të cilat mund të rezultojnë nga përdorimi i informacionit të publikuar në Faqe;
Informacionet e publikuara në Faqen e MPAY (duke përfshirë logot, imazhet, njoftimet për shtyp, newsletters, dokumentet, etj.) janë pronë e MPAY ose e pronarëve të tyre përkatës.

Kjo Politikë u hartua me qëllim për të qenë e qartë dhe e shkurtër. Në të nuk jepen detaje të plota të të gjitha aspekteve të përpunimit të të dhënave personale. Ne jemi të gatshëm t’ju japim çdo informacion shtesë apo shpjegim të nevojshëm. Çdo kërkesë duhet të dërgohet në adresën e emailit: [email protected].

Ky dokument është hartuar në gjuhën shqipe dhe angleze, ku mbizotëron versioni shqip.

Kjo Politikë hyn në fuqi me publikimin e saj në Faqe.